Eins og Eiríkur Jónsson: Hlusta á rás tvö þegar ég er í vinnunni. Er orðinn nokkuð leiður á þessu. Mestmegnið gengur þetta út á að gefa bíómiða og miða í leikhús og geisladiska. Svo svona rövl um ekki neitt og mestmegnis sama tónlistin spiluð dag frá degi.

Er popplandspáfum farið að förlast. A.m.k. er brot úr degi hundleiðinlegt. En ekki skil ég af hverju er verið að gera greinarmun á þessu þáttum, Brot úr degi, Poppland. Þetta er nákvæmlega sama síbyljan. Fyrir utan Kappana Ágúst og Óla Palla. En þeir megar taka sig á. Spila áhugaverðari tónlist og svona. Meiri tónlist. Minna mas. Hætta að hleypa hlustendum í loftið.

Annars beið ég í 40 mínútur eftir strætó áðan. Hringdi í strætó. Þeir eru allir fastir í Hafnarfirði.

Má ekki ræsa út aukavagna þegar slíkt gerist? Ég verð í allan dag að losna við kuldahrollinn.

Mánudagur. Það er mánudagur og á mánudögum vinn ég heima hjá mér. Í dag var vaknað óþarflega seint. Nú finnst mér tíminn hafa hlaupið frá mér. En hér sit ég með kaffi í bolla og Ella Fitzgerald er eitthvað að raula við fagra píanóhljóma. Úti situr mjöllin í faðmi rólegheitanna. Sturtaður er ég og fínn en að venju ógreiddur. Hins vegar eru allir reikningar greiddir og ég er skuldlaus við menn og mýs. Það þýðir þó ekki að fjárhagsstaðan sé langt yfir núlli. Hún hangir þar rétt fyrir ofan.

En það er í lagi

Allt í einu núna varð fólk voða pirrað á DV. Það þurfti sjálfsmorð einkvers karlaumingja til. En ágætt svo sem. Að fólk skuli loksins hafa áttað sig.
Annars.........

Ég vaknaði með All I want for Christmas á heilanum.

Sönglaði það í strætó á meðan ég barðist við feyknarstóra flís í hægri lófa.

Einusinni notaði ég hotmail

ég hætti því vegna þess að ég það yfirfylltist af einhverjum viðbjóði - klámauglýsingum og viagra og svona. ég tékka samt einstaka sinnum á póstinum mínum þar því enn eru sauðir sem senda mér á frálsanetnfangið á hotmail í stað hjortur á gmail.

um daginn barst mér þetta í hotmail:

"Hello have a good day,I am not sure where to begin,it is first time I try to use internet tomeet the man but the thing is,that I will work abroad I can choiceUSA,Canada or Europe and I would like to meet the man to share freeevenings and be my guide. My friends helped me to send a few lettersto different address and I do hope that I am lucky to meet good andkind man.you should know that now I live in Russia and my goal is to leave thiscountry because it is impossible to live here for young pretty woman.they tell I look well enough,I am blonde with blue eyes,I am natural blonde.I will send a few photos if you reply.if you don't have wife nor girlfriend ,maybe we could try to meet?I am free I have not children .and I have not boyfriend here.I am 25 years old ,please write to me directlyto my mail- fruy1@pochta.ru See you soon ,with great hope."

Skonrottan: Bíðið spennt

þriðjudagar

uh

já - ég ætlaði að segja eitthvað hér en nú man ég ekkert hvað það er...
jæja ... þá segi ég bara eitthvað annað í staðinn:

Ummæli Tarantinos. Þau koma mér ekkert á óvart enda er þetta að mörgu leyti satt. Íslenskar konur geta átt það þið að vera alveg skelfilega fullar, bæði ærslafullar og blindfullar af áfengi. En það á svo sem ekkert bara við um íslenskar konur. Íslenskir karlar eru jafnan alveg jafn fullir, yfirleitt heldur meir en konurnar. Íslensk ungmenni eru nefnilega sérstaklega vúlgar. Því hef ég komist að eftir flakk mitt, tja, amk um Evrópu. Fylleríið niðrí bæ er einhvernveginn allt annað meira en víða annarsstaðar. Það eru kannski helst bretar sem ná að toppa okkur í drykkjulátum.

Svo mér finnst nú ekkert skrítið að Tarantionu hafi verið tíðrætt um þessa siði íslenskra ungmenna. Það er heldur ekki skrítið að hann hafi nefnt sérstaklega stelpur þar sem honum var vísvitandi komið fyrir inn í herbergi sem hafði verið fyllt af föngulegum fljóðum. Er það ekki heldur það sem við eigum að setja spurningamerki við? Að þegar stjörnur lenda á Íslandi eru einhverjar stelpur úr fegurðarsamkeppnum ræstar út til að skemmta þeim!


ha?

nýtt ár og ég er heimavinnandi á mánudögum. gvuð hvað það er ágætt.
kaffi í blolla og róleg tónlist og konan mín á vappi í kringum mig.

þetta er ágætt - og ágætt er betra en gott.

En auðvitað nýtist peningurinn sem Hjálparsveit skáta fær úr sölunni ágætlega til að bjarga týndu jeppafólki og frönskum túristum af hálendinu.

Húrra fyrir því


Annars verður þessi laugardagur að mestu nýttur til að horfa á Spartakus. A.m.k. næstu þrír klukkutímar og níu mínútur.

Mér brá nokkuð þegar ég steig um borð í Flugleiðavél í gærkvöldi (já ég er einn af þeim sem kalla Icelandair enn Flugleiðir) en á miðanum mínum stóð skýrum stöfum Iceland Express. Það kom svo á daginn að tvær Iceland Express-flugfreyjur vorum um borð svo offissíal mátti kalla þetta Iceland Express-flug.

Í Flugleiðavélinni las ég Moggann sem ég keypti fyrir 200 krónur. Ég las líka International Herald Tribune sem ég fékk ókeypis á flugstöðinni. Mogginn var sextíuogeitthvaðsíður, Herald Tribune var sextán síður. Ég las Moggann á tíu mínútum. Ég las Herald Tribune í klukkutíma þegar ég hætti og lagði mig.

Í Mogganum var þó eitt sem vakti athygli mína. Íslendingar sprengdu meira en hálfan milljarð um áramótin.

Fyrir þennan pening er t.d. hægt að:

Útvega 200.000 ábreiður til að vernda ungabörn frá vetrarkuldum.
Útvega næringarríkan mat til að fæða 145.000 börn í 30 daga.
Kaupa um 1,9 milljónir penisilínskammta.
Bólusetja 10 milljónir manna gegn mislingum.
Bólusetja 500.000 börn gegn þeim 6 helstu sjúkdómum sem ógna lífi þeirra í dag.
Útvega 750.000 kassa af próteinríku kexi sem nota má í neyðarhjálp.

Fyrir hálfan milljarð má bjarga svo ótalmörgum mannslífum. En við kjósum að sprengja velmegun okkar í loft upp og mála himininn í tvær klukkustundir.

Húrra fyrir okkur!

Sigga og Gunnhildi
Fabian
Lisu og Patrick
Christian og Louise og Margrethe

Þakka ég kærlega fyrir hittinginn og samveruna í misstuttan tíma síðustu viku

Þetta var frábært og ég hef ekkert meir um það að segja.
Útlönd rúla - Ísland sökkar. Við Jóhanna ráðgerum flutning af Íslandi í nánustu framtíð.

HÆhó

Reykjavík í kvöld - Köben á morgun - Berlín á hinn
Síld á morgun með Sigga, Rönku, Gulla og svo náttúrulega henni Jóhönnu sætu sænsku.
Í hve skóhljóð mitt verður létt þá. Ó hve!
Í imbanum starir Bob Dylan á mig. Ég gef honum létt augantillit á móti.

Ég held að áramótin verði bara alveg skítsæmileg. Jájá.

meðalyfirdráttarskuldir Íslendinga eru um 500 kílókrónur á mann!! ég var einmitt farinn að furða mig á því hvernig allt þetta fólk hefði efni á 200 kílókróna flatskjám, tölvum og heimabíókerfum ásamt því að fara til útlanda fjórum sinnum á ári til að kaupa föt og demanta og gull.

Kemur náttúrulega í ljós að bankarnir eiga þetta allt.

Afhverju er þessi þjóð svona þenkjandi? Að þurfa að eignast allan fjandan og það ekki seinna en í gær. Hvers vegna þurfa allir að eignast bíl? Nei, ekki allir eignast bíl - helmingurinn eignast jeppa! Bigger - Better! Við erum á góðri leið til andskotans.

Best að koma sér af þessu skeri sem fyrst áður en það sekkur með manni og mús.

Gleðileg Jól!

Jólin komin bara

og ég fékk höggborvél í jólagjöf. Svo nú fer maður sko að bora.

Ef marka má DV (ég reikna svo sem ekkert sérstaklega með því) þá hafði séra Flóki ekki samvisku til að ljúga að börnunum um tilvist jólasveinsins. Ef ég væri prestur myndi ég nú bara láta blessaðan jólasveininn njóta vafans. Ég meina, guð og englar og svona lagað. Getur þá jólasveinninn ekki allt eins verið sprelllifandi þarna norður á pólnum? Ha?

Athugið: Ég mun engum gefa gjafir nema ástmey, nánustu skyldmennum og þeim sem ég mun eyða aðfangadagskvöldi og jólanótt með. Aðrir fá hugheilar jólakveðjur, ást mína og virðingu. Ég vona að restin af þjóðinni geri slíkt hið sama. Hugurinn skiptir máli og ást mín og virðing er ekki metin í pökkum, hvorki mjúkum né hörðum. Ég hefi þegar gefið peninginn sem sparast vegna þessa til SOS Barnaþorpa. Vinsamlega beinið fjármunum ykkar eitthvert annað en til mín. Ég hef hef það alveg ágætt!!

Þá er það komið á hreint.

Ég gef hér með kost á mér í fyrsta sæti á lista Samfylkingar fyrir næstu borgarstjórnar kosningar.

Helstu mál:
Samgöngumál
Leikskólamál
Umhverfismál
Menningarmál
Faglega ráðinn borgarstjóra


Skimið eftir fréttatilkynningu næstu daga

Kveðja
Hjörtur Einarsson
frambjóðandi

Hugleikur

island 229
Originally uploaded by hjortur.

Hugleikur

Fyrir nákvæmlega ári síðan var ég líka með kvikmyndagetraun á blogginu mínu. Merkilegt:


"dinsdag, december 14, 2004

Þetta var svo skemmtilegt að ég ætla að varpa fram annarri getraun. Í þetta sinn ögn þyngri.1. Vísbending: Um er að ræða kvikmynd. Hún gerist á tímum síðari heimstyrjaldar sem einnig er efniviður hennar. Leikstjóri myndarinnar er vel þekktur en hann hefur þó einkum getið sér frægðar sem leikari. Hann er ákaflega virtur í heimalandi sínu og hefur hlotið sérstaka viðurkenningu þjóðhöfðingja síns. "

Svona gengur maður í hring í kringum allt sem er.

Handa systur minni setti ég á ný inn link á myndirnar mínar.

vei

og mikið rosalegan náladofa hefi ég fengið í lappirnar

mig dreymdi að ég hefði týnt öllum úrlausnum nemenda minna í málfari og stíl en í staðinn boðið þeim í mat, sem var mestmegnis tómatar í dós og timjan

Jólaði bloggið smá.
Í gær var King Kong hátíð í þessum þarna lúxussal í Álfabakka. Það var voða huggulegt. Og myndin er góð. Sjáið myndina. Sjáið hana.
Í gær fórum við Jóhanna sæta sænska á Lúsíutónleika
Djöfulsins Jólastemmingu komst ég í í kjölfarið.

Trúin flytur efasemdamanninn til fjalla.

Eða svo sagði hann. Maðurinn.

Ég stefni á að klára verkefnayfirferð fyrir tuttugasta. Svei mér.
Ég þarf að setja saman hillur.
Ég þarf að leggja rafmagn.
Ég þarf hengja upp myndir.
Svei mér.
Meir své.

Nú er ég svei mér farinn að horfa á King Kong til að skrifa um.

Ég leit og sá hvað milligrammið er ótrúlega létt. Svo ótrúlega létt.

Uh. Segðu mér satt, kvað skáldið og kvaddi. Kvaddi mig sem sat saddur með mæjónes í munnvikinu. Öðru munnvikinu.

Einn daginn verð ég doktor. Þá muntu þrá mig eins og appelsín í bland við malt á jólum.
Þú og ég við dönsum dans dansanna. Dans-Anna dansar eins og Dísa drusla. Sem dansar ekki meir.
Einn daginn verð ég dokor og þú viðfangsefni mitt. Ég verð sérfræðingur í þér. Ég mun leggja á þig stundir. Ánægjustundir
Einn daginn verð ég doktor. Þá mun ég eiga svar við vangaveltum þínum.

Strá í vindi heldur dauðataki í digran trjástofninn á meðan nóttin bíðu handan við meyjarhaftið.

Fjandinn. Lá. Andvaka. Í alla nótt. Var það jóla? Stressið?

iiiiii

Svona hafnfirskt iii

eða eins konar. Í dag er mér boðið í bíó. Kjíng Kóng. Jeiii.

bara svona venjulegt jeiii.

Bláköld nóttin blasir við mér
á meðan morgunbirtan
leysist úr læðingi

Philips DVD-spilarinn kemur að gagni. Takið eftir en er ekki að koma að gagni heldur kemur hann einfaldlega að gagni. Annars var þetta tryllt helgi. DVD-gláp á föstudag. Létt laugardagskvöld sem leiddi mig á Dillon og þaðan á Sirkus og þaðan heim. Svo almenn þynnka og notarlegheit á nýja heimilinu í gær. Kvöldinu að sjálfsögðu slúttað með DVD í tækinu

Speglaðu mig inn í framtíðina
Þú, spilari í skammdeginu
spáðu mér fyrir um morgundaginn
spennandi kostur í myrkrinu

Annars var ég kallaður nokkrum nöfnum þarna á djamminu: Sonur minn, besti kvikmyndagagnrýnandinn og sætur töffari.

Ég er að lesa Spartakus eftir Howard Fast þessa dagana. Góð strætóbók amk.

Nú nemendur skilað lokaverkefnum og best að klára yfirferð á þeim sem allra fyrst.

Allra allra.

Kringlukráin blívur

Gunnar Hrafn var nú eiginlega búinn að hætta við. En orð skulu standa. Birth of a Nation var þetta. Ég bjóst nú við að geta haldið örlítið áfram með þetta. En Gunnar Hrafn er bara svo klár.

Hann fær verðlaun.

á maður þá bara ekki að hætta þessu getrauna standi? Jú, held það bara.

Þetta er þyngra en vanalega viðurkenni ég

Getraun 10

Spurt er um kvikmynd

1. vísbending: Myndin gerist í þrælastríðinu í Bandaríkjunum.
2. vísbending: Myndin er byggð á skáldsögu.
3vísbending: Myndin þykir tímamótaverk í kvikmyndagerð

Lítið að gerast með getraunina.

Getraun 10

Spurt er um kvikmynd

1. vísbending: Myndin gerist í þrælastríðinu í Bandaríkjunum.
2. vísbending: Myndin er byggð á skáldsögu.

Gulla er komin með flösku. Hún gat rétt upp á La Battaglia di Algeri. Sú mynd er alveg mögnuð og hafið þið ekki séð hana þá gerið það sem fyrst. Ein vísbending átti að hljóða svo: "Pentagon notaði myndina til að sýna liðsforingjum í hernum hvernig berjast mætti gegn hryðjuverkum í Írak."

Á myndin, að mati Pentagons, að vera ágætis sýnidæmi hvernig koma má í veg fyrirhryðjuverk í hernumdu landi. Ekki skil ég hvernig þeir gátu lesið myndina þannig. Enn merkilegra verður þetta í ljósi þessa að andstæðingar Víetnamstríðsins sýndu myndina á sínum tíma máli sínu til stuðnings sem og Black Panthers hreyfingin svo og margar aðrar vinstri-hreyfingar um allan heim.

En þetta setur Abu Grahib pyntingarnar í ákveðið samhengi því myndin sýnir pyntingar franska hersins á meðlimum FLN. Máski það sé þaðan sem hugmyndin sé komin að þeim voðaverkum? Í auglýsingu Pentagons fyrir sýningu á myndinni segir: "How to win a battle against terrorism and loose the war of ideas. ...Children shoot soldiers at point blank range. Women plant bombs incafes. Soon the entire Arab population builds to a mad fervor. Soundfamiliar? The French have a plan. It succeeds tactically, but failsstrategically. To understand why, come to a rare showing of thisfilm."

En á maður ekki að skella fram síðustu kvikmyndagetrauninni? Svínþung í þetta sinn.

Getraun 10

Spurt er um kvikmynd

1. vísbending: Myndin gerist í þrælastríðinu í Bandaríkjunum.

Það var kannski ekki rétt að nota orðið borgarastyrjöld. fer eftir því hvernig við skilgreinum það hugtak. en styrjöld var það vissulega.

1. vísbending: Kvikmyndin er raunsönn lýsing á styrjöld
2. vísbending: Leikstjórinn, eins og í raun allt tökuliðið, er ítalskur.
3. vísbending: Myndin er mestmegnis á frönsku og arabísku.

Getraun 9

Spurt er um kvikmynd.

1. vísbending: Kvikmyndin er raunsönn lýsing á tiltekinni borgarastyrjöld.
2. vísbending: Leikstjórinn, eins og í raun allt tökuliðið, er ítalskur.

Næsta vísbending átti að vera: Endurgerðin er í miklu uppáhaldi hjá Quentin Tarantino sem er jafnframt mikil aðdáandi leikstjóra upprunalegu myndarinnar.

En Hulli náði að svara á annari vísbendingu. À Bout de Souffle er málið.
Hann fær verðlaun: Jólagjöf frá mér í ár.

Getraun 9

Spurt er um kvikmynd.

1. vísbending: Kvikmyndin er raunsönn lýsing á tiltekinni borgarastyrjöld.

Já! Baggalútur, bjartasta von ársins, hefur sent frá sér enn eina snilldina.

En:

Getraun 8.

Spurt er um kvikmynd

1. vísbending: Kvikmyndin er frönsk en hefur verið endurgerð í Bandaríkjunum.
2. vísbending: Aðalsöguhetjan er mikill aðdáandi Humphrey Bogarts.

Að sjálfsögðu er þetta Spartacus þeirra Kubricks og Douglas.
Gulla er á góðri leið með að vinna sér inn flösku.

Getraun 8

Spurt er um kvikmynd

1. vísbending: Kvikmyndin er frönsk en hefur verið endurgerð í Bandaríkjunum.

Getraun 7

Spurt er um kvikmynd

1. vísbending: Kvikmyndin er frá 1960.
2. vísbending: Myndin ku byggja á sannsögulegum atburðum.

Ekki Ben-Hur (er hún ekki frá '59?), ekki Psycho, ekki The Leech Woman.xw

og á meðan ég var að hamra inn 2. vísbendingu koma Gulla með rétta svarið.

Bonnie og Clyde er svarið! Sú mynd þykir marka upphafið á póst-klassískri Hollywoodmyndagerð þó margar eldri myndir falli vel innan þess ramma, t.d. Citizen Kaine, Rebel Without a Cause og Psycho.

Myndin sem Truffaut hvarf frá til að leikstýra er Farhenheit 451.

Gulla fær því verðlaun, rauðvínsglas á Ölstofunni við tækifæri.

Sálfræðingurinn Gulla stingur upp á Psycho. Það er ágæt uppástunga því sú markar visst upphaf á þróun fra klassískri Hollywood til póst-klassíkrar. Það er þó ekki myndin sem hér um ræðir.

1. vísbending: Myndin er af mörgum talin fyrsta póst-klassíska myndin í nýju Hollywood.
2. vísbending: François Truffaut átti upphaflega að leikstýra myndinni en hvarf frá verkinu til að leikstýra annarri mynd sem nýlega hefur verið nefnd hér á blogginu.

Anna Rut svaraði Bottle Rocket og það er hárrétt. Hún fær í verðlaun kvikmyndina Farenheit 451 á DivX formi á CD.

Höldum þessu áfram.

Að venju er spurt um kvikmynd.

1. Vísbending: Myndin er af mörgum talin fyrsta póst-klassíska kvikmyndin í nýju Hollywood.

Anonymous svarar: ?Myndin er The Fabulous Baker Boys. Leikarar eru bræðurnir Bridges og leikstjórinn heitir Steven Kloves.?

Þetta svar er merkilega senniglegt miðað við vísbendingarnar en ekki hið rétta. Því miður fyrir Anonymous.

3. vísbending: Annar bræðranna sem leika aðalhlutverkin skrifar handritið að myndinni ásamt leikstjóranum.

Jájá, áfram með smjörið

1. vísbending: Kvikmyndin er fyrsta mynd leikstjórans í fullri lengd. Hún er byggð á samnefndri stuttmynd sama leikstjóra.
2. vísbending: Bræður fara með tvö aðalhlutverk myndarinnar.

Hugleikur svaraði víst á meðan ég var að dúndra inn sjöttu vísbendingu (sá svar við færslunni á undan). Svo hann fær heiðurinn og verðlaun. Vídeóveislu á Njálsgötunni og Tuborg jólabjór.

En það er um að gera að halda kvikmyndagetrauninni áfram. Það er varla hægt að segja að ég sé að sóa tíma í vinnunni þar sem ég vinn á kvikmyndasafni og eitt af markmiðum safnsins er að miðla fróðleik um kvikmyndir og stuðla að umræðu um þær.

Höldum því áfram:

Enn er spurt um kvikmynd:

1. vísbending: Kvikmyndin er fyrsta mynd leikstjórans í fullri lengd. Hún er byggð á samnefndri stuttmynd sama leikstjóra.

Ekkert gengur með getraunina. Sjötta vísbending ætti að gefa svarið:

1. vísbending: Spurt er um kvikmynd. Myndin er endurgerð eldri myndar frá 1969.
2. vísbending: Sögusvið myndarinnar er Kúba.
3. vísbending: Kvikmyndin er bandarísk. Fyrri myndin er það ekki.
4. vísbending: Í myndinni eru djarfar kynlífssenur og vilja sumir flokka hana sem ljósbláa kvikmynd.
5. vísbending: Í aðalhlutverkum eru tvær þekktar Hollywoodstjörnur. Skírnarnöfn þeirra byrja bæði á stafnum A.

6. vísbending: Fyrri myndin er frönsk og var í leikstjórn François Truffaut.

Flutt var í gær af mér og Jóhönnu í gula húsið á Njálsgötu. Á Njálsgötu hefi ég aldrei búið og safnast hún nú í hóp gatna sem ég hef búið á í lengri eða skemmri tíma frá því að ég flutti úr foreldrahúsum. Hvaða götur eru þetta annars?

Oddagata
Eggertsgata
Leirutangi
Einarssnes
Tryggvagata
Hallveigarstígur
Hjarðarhagi
Ásvallagata
Dolhaantjestraat
Prinsengracht
Czaar Peterstraat
Snorrabraut
Njálsgata

Mig grunar að þessum flutningum sé hvergi nærri lokið!

En ekki hefur enn borist rétt svar við getrauninni. Bætum við vísbendingu:

1. vísbending: Spurt er um kvikmynd. Myndin er endurgerð eldri myndar frá 1969.
2. vísbending: Sögusvið myndarinnar er Kúba.
3. vísbending: Kvikmyndin er bandarísk. Fyrri myndin er það ekki.
4. vísbending: Í myndinni eru djarfar kynlífssenur og vilja sumir flokka hana sem ljósbláa kvikmynd.

5. vísbending: Í aðalhlutverkum eru tvær þekktar Hollywoodstjörnur. Skírnarnöfn þeirra byrja bæði á stafnum A.

Ekki hefur komið rétt svar við getrauninni. Að vísu er spursmál hvort segja megi að myndin sé endurgerð eldrir myndar frekar en að þær séu gerðar eftir sömu sögunni.

1. vísbending: Spurt er um kvikmynd. Myndin er endurgerð eldri myndar frá 1969.
2. vísbending: Sögusvið myndarinnar er Kúba.
3. vísbending: Kvikmyndin er bandarísk. Fyrri myndin er það ekki.

4. vísbending: Í myndinni eru djarfar kynlífssenur og vilja sumir flokka hana sem ljósbláa kvikmynd.

Höldum þessu áfram:

1. vísbending: Spurt er um kvikmynd. Myndin er endurgerð eldri myndar frá 1969.
2. vísbending: Sögusvið myndarinnar er Kúba.
3. vísbending: Kvikmyndin er bandarísk. Fyrri myndin er það ekki.

Í dag verður stóri flutningadagurinn. Þegar ég ásamt Jóhönnu sætu sænsku flyt frá Snorrabúð í Njálsbúð. Við höldum okkur við fornar hetjur.

Lesendur höfðu helgina til að leysa getraunina. Svarið er enn ekki komið. (Já, ótrúlegt en satt þá hafa fleiri myndir frá árinu 1969 en Italian Job verið endugerðar!).

1. vísbending: Spurt er um kvikmynd. Myndin er endurgerð eldri myndar frá 1969.
2. vísbending: Sögusvið myndarinnar er Kúba.

Það er alveg merkileg hvað jafn þurrkuntuleg þjóð eins og hollendingar er samt líbó.

Nei hver djöfull! Þetta átti að fara upp í tvær vísbendingar í viðbót! Hugrún gat þetta og fær að launum kvikmyndina Veggfóður á VHS spólu með enskum texta. Hún getur sótt hana á Njálsgötu eftir helgi. Walk, don't run. Leikarinn var Cary Grant.

Á maður að skella inn síðustu getraun dagsins?

Jájá - er það ekki bara.

1. vísbending: Spurt er um kvikmynd. Myndin er endurgerð eldri myndar frá 1969.

Ég fann Blekkingarleik eftir Dan Brown í gluggakistunni heima hjá mér. Greip hana og fletti og svo var ég allt í einu búinn að klára hana. Magnað hvað Dan Brown getur skrifað grípandi en jafnfram lélegar bækur. Ég las Da Vinci lykilinn svona í hendingskasti eins og líklega fleiri. Það var hins vegar á ensku. Blekkingarleik las ég á íslensku. Sú þýðing var þónokkuð slæm. Hefði geta verið fínt dæmi um lélega þýðingu í þýðingahluta námskeiðins sem ég kenndi í haust.

En þýðandinn hafði svo sem ekkert sérlega góðan efnivið ef Blekkingarleikur var á einhvernhátt svipuð skrifuð bók og Da Vincy lykillinn.

En hvað um það. Ætli sé ekki kominn tími á aðra vísbendingu:

Titill kvikmyndarinnar er hinn sami og á vinsælum smelli með hljómsveitinni The Ventures.

Nafnlaus svaraði Sergio Leone. Það er rétt! Hins vegar er ekki hægt að veita verðlaun nafnleysingjum svo enn eru í boði verðlaun sem vert er að koma út. Því verður lagt í þriðju getraun dagsins. Í þetta sinn læt ég engin ártöl koma fram í fyrstu vísbendingum. Það er greinilega of auðvelt.

Spurt er um kvikmynd. Kvikmyndin var sú síðasta sem aðaleikari hennar lék í.

Önnur vísbending:

Leikstjórinn er best þekktur fyrir ákveðið kvikmynda-genre. Hann er talinn helsti frumkvöðull þess.

Finnur Pálmi skaut á Blow Up. Hann fær í verðlaun DVD diskinn Pop Idol Netherlands - Golden Moments.

Þetta átti að fara upp í amk tvær vísbendingar. Næsta þarf því að vera nokkuð þyngri.

Spurt er um kvikmyndaleikstjóra. Hann er fæddur 1929.

Strætisvagninn var ísskápur á hjólum sem flutti frostkarla á leið í vinnu.
Það var ó, svo kalt.

Það er föstudagur og eina ráðið er að stofna hér til getraunar. Það virðist alltaf vekja lukku af værum svefni. Þar sem ég er kvikmyndarýnir er við hæfi að hafa kvikmyndaumfjöllun. Vegleg verðlaun í boði fyrir fyrsta rétt svar.

Spurt er um kvikmynd:

1. Kvikmyndin kom út árið 1966. Ljósmyndun er í aðalhlutverki.

Erna og Þórdís eru, eins og margur landinn, fjúríus út í nýja Ópallúkkið. Mér finnst það ekki galið, bara öðruvísi. Ég skil vel að retrófílar verði önugir enda kannsi óþarfi að breyta sígildu lúkki. En ég frétti frá einhverjum stjórnanda hjá Nóa Siríus að gamla lúkkið fengi að halda sér á Risaópal pökkunum, enda er það nú það eina sem ég kaupi. Hitt draslið er nemlig sykurlaust. Og fyrir mér er bara gjörsamlega út í hött að eta sykurlaust sælgæti. Það er svona þverstæða, eins og áfengislaus bjór og frakki sem er vinur manns.

Ég sé hálfpartinn eftir að hafa keypt Tópas í staðinn fyrir ópal.
Mikið er þetta skammdegi farið að fara í lundina á mér.
Lundina á mér? Er það hægt?

Jæja. Maður fór nú bara þarna til London. Ófáar pinturnar sem runnu niður kverkarnar og ofaní maga og runnu mér svo til höfuðs. Rottan í Harrods markaði kannski hápunktinn. Nei, Tóta og Pési voru megintilgangur ferðalagsins. Og bumban hennar Tótu. Jiiii.

Ha!? Mér heyrsti (er að hlusta á Kastljós með öðru eyranu) að verið sé að gefa nákvæmar leiðbeiningar um hvernig megi nauðga með hjálp svefnlyfja! Gesturinn hjá þeim er svona að benda á hvaða önnur lyf má nota í "sama tilgangi" og að það taki svo og svo langan tíma fyrir þau að virka og að best sé að blanda við áfengi og svo framvegis.

sjiiiit

Er ekki löngu tímabært að saksóknari efnahagsbrotadeildar ríkislögreglustjóra og dómsmálaráðherra segi báðir af sér vegna endalauss klúðurs, ekki bara í Baugsmálinu heldur heilum hellingi af öðrum málum?

Helgin var nokkuð viðburðasnauð fyrir utan blóðbaðið á 22 á föstudag og beztu tónleika í heimi á Grand Rokki á laugardag.

Deep Jimi and the Zep Creams er án vafa bezta hljómsveit Íslandssögunnar. Og líklega best geymda leyndarmálið. Það er undarlegt að fólk sem ég kalla vini mína og fjölskyldu kannast ekki við Deep Jimi. Hvar voruð þið árið 1992? Hvergi nálægt mér að minnsta kosti.

Ég veit svo sem ekkert um vinnubrögð Einars Kárasonar við skrif Jónsbókar. En kemur gangrýni Hannesar Hólmsteins á þeim ekki úr hörðustu átt?

Ég var að fletta Málinu áðan í strætó. Þar var flennistjór auglýsing með Krumma Halldórssyni frá Mogganum. Við fyrsta lestur sýndist mér það standa: ÍHALDIÐ SKIPTIR ÖLLU.

Það hefði þó verið frábær auglýsing. Skora á Moggann að láta vaða.

Annar mæli ég með Máli gærdagsins. Síða átján þar er alveg þolanleg.

Það er alveg merkilegt hvernig Sjálfstæðismönnum, með hjálp PR-fyrirtækja, hefur tekist að gera harðsvíruðustu bisnissmenn landsins að aumkunarverðum fórnarlömbum.

Þurfti virkilega erlenda úttekt til að menn áttuðu sig á hversu bágborin fjárhagsstaða Háskólans er? Stúdentar hafa til dæmis bent á það í fjöldamörg á að opinberar fjárvetingar til ríkisháskólanna á Íslandi eru með því lægsta sem þekkist í Evrópu. Þetta er kannski til marks um það að fólk er löngu hætt að hlusta á stúdenta!

Merkilegt líka hvað Víking maltöl er miklu verra á bragðið en Egils.
Og guð minn almálttugur hvað mig langar mikið í diskinn með Deep Jimi and the Zep Creams.

Og guð hvað mig langar mikið í gamla diskinn, Fúnkí dínósárinn sem ég týndi fyrir um 10 árum.

Mikið andskoti langar mig líka á útgáfutónleikana þeirra nk. laugardag.

Held ég skelli mér.

Merkilegt nokk var ég að þvælast eitthvað upp í hálsa og gat því sótt mér diskinn minn í Krókháls. Svo öskruðum við Kurt saman á leiðinni til baka í vinnuna. Mikið er gott að öskra með Kurt.

Skv. þessari frétt er til í Reykjavík Preststígur. Hvar er hann? Bíddu við. Stígur bendi til miðbæjarins/Þingholta. En það getur vart verið. Þetta er kannski í þessu s.k. Þúsaldarhverfi þar sem öllu götuheiti hafa trúarvísanir. En eru það ekki bara geislar og baugar? Er til Biblíubraut?

Já - nú á ég von á góðu. Engum sporum í verðlaun frá höfundi sjálfum. Rambaði þarna á rétt svar. Það held ég að leitarvélin Google hljóti að auðvelda rannsóknarlögreglumönnum nútímast störfin. Gaman væri að sjá þátt um það. Hint - einhver í heimildamyndagerð.

Kannski maður eigi að gera það að næsta djobbi. Hver vill starta með mér heimildamyndagerðinni Naskur ehf. ?

Kjallarinn á Snorrabrautinni er upplagður sem kosningamiðstöð. Þetta er allt að gerast.

Hvað hét hún? Gullbrá? Hvort það var hún eða einhver annar en hingað kom einhver og kláraði súpuna okkar Jóhönnu. Við skruppum í bíó á meðan hún kólnaði hér á hellunni. Potturinn var tómur þegar við komum heim.

Gullbrá? Eða var það Gulli? Hann myndi gera svona. Klára matinn manns. Það væri þá ekki í fyrsta sinn ....

annars var það Hostel sem ég einhvern daginn mun birta eftir mig bíórýni um þá mynd. Þá mun ég vara viðkvæmar sálir að fara á myndina og ráðleggja hinum að sjá hana á fastandi maga. Guð minn, guð minn, enn sá viðbjóður. En ágæt filma fyrir utan það.

Páfarnir í Popplandi eru þrír að röfla saman. Þetta er svona hugguleg kaffistofustemmari. Nú fer ég og fæ mér kaffisopa. ha.

Ég fór þyrstur í vinnuna og varð fyrir vikið fyrstur í vinnuna. Á mánudegi. Mér er best að lifa enda batnandi. Ég hef þegar fengið mikla hvatningu til að gefa kost á mér í fyrsta sætið. Helstu stefnumál: Banna einkabílinn og gefa frítt í strætó og hita upp strætóskýli. Miklubraut undir stokk, flugvöllinn burt, efling miðbæjarins og setja á úthverfaskatt. Hjólreiðavæða borgina og afhenda veggjakrotara.

Slagorðið: Veljum frelsi ekki frjálshyggju!

Í stað Peres kemur Peretz. Þeir eru ekkert að flækja þetta þarna í Ísrael.

Á forsíðu Moggans í dag er mynd af Kára Stefánssyni undir fyrirsögninni:

MÖGULEGA ÁBYRGUR FYRIR HELMINGI HJARTAÁFALLA

Í næsta tíma ætla ég að nefna samræmi mynda og fyrirsagna. Kannski nota ég þetta sem dæmi.

Meria um svona efst á mbl.is akkúrat núna er þessi frétt:

Mjaldur dreginn að landi
Inúítinn Karlin Itchoak dregur inn netið eftir að hafa fanga mjaldur við Nomehöfða nálægt Nome í Alaska. Inúítar í Alaska fá að veiða nokkra mjaldra í Beringshafi á vorin og haustin þegar hvalirnir fara milli norður- og vesturstranda Alaska. Þessar veiðar eru mikilvægar fyrir byggðirnar í vesturhluta Alaska því bæði eru hvalirnir mikilvæg fæða og veiðarnar eru hluti af menningu og hefðum Inúíta á svæðinu. Talið er að um 18 þúsund mjaldrar séu í stofninum, sem veitt er úr við Alaska.

Veit svo sem ekki hvort svona telst frétt.

Í tilefni af kokkteilakeppni á morgun:

You Are a Margarita

You aren't just the life of the party, you are the party! You mix a good drink, bust out some great music, and know how to get down.

What Mixed Drink Are You?

Achso

Vann Nirvanadiskinn fyrir rest. Nú er bara að koma sér þarna uppeftir.

Djöfull átti ég miklu meira skilið að vinna Nirvanadiskinn en þessi Jón Steinar þarna. Ég held líka að ég hafi verið fyrstur inn á skiptiborðið. Ojæja, ég hefði hvort eð er ekkert komist þarna upp í krókháls að sækja diskinn. Súr eru berin sagði refurinn.

Globentrotten

Búinn að bóka: Berlín um áramót: Með stoppi í Köben:

VEIVEIVEIVEIVEIVEIVEIVEIVEIVEIVEIVEIVEI!

Ég gafst upp á endurteknu efni á rás 2 og stillti yfir á x-ið.
æh......

Franska byltingin markaði víst upphaf blaðamennsku á vesturlöndum. Óeirðirnar í París eru fréttaefni dagsins í dag. Svona er heimurinn endalaus röð orsakatengsla. Við erum bara hlutur sem speglast um stund á annars gegnsærri rúðunni sem við köllum tilveru.

Nokkurnveginn svona var nám mitt í Media Studies.

Drengurinn sem afgreiddi mig í Krónunni hefur ábyggilega ekki verið eldri en fjórtán ára. Ég veit ekki, kannski teljast afgreiðslustörf til starfa af "léttara tagi". En afhverjur er drengurinn ekki í skóla, spyr ég.

mig langar hingað

http://www3.akureyri.is/daglegt-lif/utivist/hlidarfjall/hlidarfjall-i-dag/

Þetta trúbadúrkeppnislag sem vann eftir hann Svavar Knút er bara alveg frekar vont. Hins vegar hljómar Sálin núna og djöfull er ég skotinn í þessar nýju plötu. Ég verð alltaf jafn hissa hvað ég er í raun mikið Sálarfan. Merkilegt alveg.

Annars er ég í hlýjum faðmi þynnkunnar bara hér í vinnunni.

Já!

Rás 2 : Í þriðja sinn í dag: Crosses með Jozé Gonzales

jæja, einhvern stuðning hefi ég. ég vil þó vekja athygli á að ef ég næði kjöri myndi ég ekki sækjast eftir borgarstjórastóli heldur beita mér fyrir að borgarstjóri yrði ráðinn, t.d. úr atvinnulífinu. Enda tel ég að slíkt hafi gefist vel. Maður þarf bara að vona að viðkomandi hafi ekki verið aðili að ólöglegu samráði eða öðrum þrjótaskap.

Annars hefi ég svona verið að hlusta á Rás tvö undanfarna vinnudaga. Það er alveg skelfilegt tilbreytingarleysi í tónlistarvali þar. Ég hélt að þar væri ekki spilað eftir svokölluðum pleilistum. Ég er kominn svoleiðis með gubbuna af þessu kínverska reiðhjólalagi. Sama lagið með Jozé Gonzales er í sífelldri spilun þó að öll lögin á plötunni hans séu jafngóð. ?Nýja? dúkkulísulagið er líka orðið ofsa þreytt. Og Hjálmar mega alveg hvílast einn dag áður en ég verð leiður á þeim líka. Allt eru þetta ágæt lög en það er óþarfi að endurtaka þau oft á dag!

það er brotið nú í lífi mínu blað

maður internetsins, fpm, hefur horfið af því. hann svarar ekki msn eða tölvupóstum og blogger vart meir. hann er kannski svona eins og guð. heldur sig baka til og stjórnar og skapar en þáttakendur fá ekki að sjá hann. enda er guð allt of upptekinn við að vara á vappi með mannkyninu.

en hvað er þetta, maður farinn að líkja vini sínum við guð. minna má það nú vera.

Ég er víst skráður í Samfylkinguna. Það gerðist þegar ég skrifaði í það sem ég taldi vera gestabók á stofnfundi Ungra jafnaðarmanna. Það reyndist hinsvegar vera stofnskrá. Hef þó verið á leiðinni að skrá mig úr flokknum undanfarin misseri. En nú er ég að spá að gera það ekki en gefa þess í stað kost á mér í fyrsta sæti listans fyrir næstu borgarstjórnarkosningar. Áður en ég lýsi því hreinlega yfir er vert að kanna baklandið. Á maður ekki séns?

á það ekki að vera vondsku? Mánudagur: Þetta með kæfuna, rástvö í beinni spilast ekki, almenn leti í vinnu. Úff. Einu sinni var ég mánudagamaður. Einu sinni, var!

Vanafesti. Þegar ég vann á Yddu fékk ég mér í flest hádegi túnfisksamloku frá texas og Egils sódavatn. Þegar ég var með aðsetur á Reykjavíkurakademíu var það jafna Júmbó túnfisksamloka og Hálfur lítir af Tópí. Nú er það Samlokubrauð með Goða kindakæfu og eplasaft. Í dag hrundi svo veröld mín þegar ég komst að því að ég hafði fyrir mistök keypt Goða skólakæfu sem er í alveg eins umbúðum og kindakæfan.

Dagurinn: ónýtur.

Já! Vonskuveður um land allt. Snór og svona. Þetta líst mér á. Í kvöld er það bara fp=föstudagspizza. Svo spil. Kerti og bjór. Eftir 20 mínútur ætla ég að hætta þessu rugli og fara heim til mín. Því þar á ég heima.

Nú er klukkan orðin þrjú og eins og vanalega um þetta leyti á föstudögum er hugurinn haldinn heim á leið. En líkamlega er ég í vinnunni og hamra eitthvað svona bull inn á tölvuna til þess að eitthvert lífsmark heyrist úr skrifstofunni minni. Kannski ég hringi í Gulla svona til að svo virðist líka sem ég sé að sinna mikilvægum erindum.

En svo gæti ég nú bara líka unnið í alvörunni!

Annars voru í gær bókaðir fjórir miðar á þetta. Já! Svo verður Blonde Redhead að spila um svipað leyti og The Hitchhiker's Guide to the Galaxy Exhibition rétt að ljúka. Og svo bara London í heild sinni. Mikið hlakka ég til. Mikið.

Ef andinn væri yfir mér myndi ég skella hér fram stöku.
En hér er enginn andi. Frekar en vanalega.
Svo ég hætti þessu rugli og hleyp af stað.

Fór á fætur fyrir margar aldir og sturtaði mig og hellti upp á kaffi sem ég síðan drakk úr bolla og virti fyrir mér sjálfan mig og daginn framundan. Þormóður læddist á lappir og laumaði sér út svo að ég rétt náið í skottið á honum. Við héldum svo á venjubundinn morgunfund í s-einum.

Morgunbirtan vakti mig með hæglátu brosi og ég rauk af stað með strætó inn í framtíðina. Kristín var á sínum stað við strætóskýlið á Lækjartorgi en Þormóð vantaði í sætið við hliðina á mér. Ég saknaði návistar við hann á þessari stuttu leið en ég má kenna mér sjálfum um því ég bankaði ekki á dyrnar hjá honum á leið minni út.

Ráðgert er að skella sér á söngleik í London.

Svo virðist sem 50 þúsund kvenna frí hafi mest komið niður á símsvörun í fyrirtækjum. Samkvæmt fréttum a.m.k.

Mánudagur. Mána dagur. Moonday. Þormóður var ekki hrifinn í gær að þurfa að hefja á ný vinnuviku. Í strætó í morgun gat hann þó ekki beðið að komast í vinnuna. Ég er í vinnu núna. Reyndar mestmegnis að sinna öðrum hugðarefnum. Eða svona aukastarfinu sem kvikmyndarýnir. Að þessu sinni er það kvikmyndin Africa United sem rýnt verður í.

London er það svo síðustu helgina í nóvember.

Ég held ég sé einn í húsinu. Einn og það eina sem ég heyri er fingrasláttur minn á lyklaborðinu sem brýtur takt klukkunnar sem hangir á veggnum hjá mér. Hangir hér í vinnunni eins og ég. Dagurinn farinn að skima í átt til kvöldsins og hugur minn löngu haldinn heim á leið.

í dúett klukkutifsins og fingrasláttsins bætist fjarlægur ómur radda vinnufélaga minna. Ég er ekki lengur einn. "Enginn er eyland," gæti sólargeislinn sem læðist fyrir aftan mig verið að hvísla að mér. Í tríóið hefur bæst urg kaffivélarinnar inni í eldhúsi. Söngurinn er fyllir mig lífi, blæs í mig þrótt og brátt stend ég upp því viðlagið er á næsta leiti og þá get ég sungið með.

Enginn spurði vorið hvort það vildi koma á undan sumrinu

þessi vinnuvika hefur liðið. Svo sem eins og aðrar vikur. Því vikur eru tími og tíminn líður og tíminn er eins og vatnið.

Var vinnuvikan þá blaut? Það veit ég ekki. Ég eyddi henni mestmegnis uppi í rúmi. Lasinn. En ég komst líka á airwaves. Ég náði líka að nota texta Stefáns Hilmarssonar sem dæmi í kennslu í Háskólanum. Þá held ég eigi ekkert eftir nema að gifta mig og eignast börn. Að því loknu get ég dáið og fallið í gleymsku.

Fer ekkert sérstaklega út í lýsingar á því sem ég aðhafðist á klóstinu áðan. Vísa í fyrri færslu. Hins vegar fórum við Jóhanna í rómaðan markað á Mýrargötunni sem Huxy benti mér á um daginn. Við fórum þangað með það að markmiði að skoða, enda var göngutúrinn farinn einkum tið að ferskja loftið í lungum Jóhönnu. Engu að síður komum við út með nokkrar gripi, appelsínugulan kúst, grænt kústskaft, pizzabökunarplötu, ávaxta- og kartöfluskrælara og segul til að hengja hnífa á vegg. Ég er mikill kiddsjengadjettmaður. Hið stefnum því á aðra ferð næstu helgi.

Klukkan gengin níu og ég bíð eftir að Þorri minn komi fram. Saman tökum við seinan inn í eilífðina, með millistoppi í vinnunni. Jóhanna lá magakveist um helgina. Nú finn ég að minn er í uppnámi. Dauði og djöfull.
Nú heyri ég þrusk að ofan. Það er hann Þorri minn sem læist niður tröppurnar

Nú fyrir stundu tilkynntu framleiðendur Bond myndanna hver mun fara með hlutverk kappans sjálfs í næstu mynd. Það er Englendingurinn Daniel Craig. Sjálfur hafði ég hálfpartinn búist við Clive Owen í hlutverkið. Hann tel ég vera næstbesta kostinn á eftir Pierce gamla. Ég er alveg á því að Pierce var nánast fullkominn fyrir hlutverkið. Einnig hefði verið gaman að sjá Hugh Jackman í hlutverkinu. Hann hefði t.d. hentað vel fyrir einmitt næstu mynd, Casino Royale, sem er byggð á fyrstu bókinni um Bond. Ég hlakka amk til að sjá þá mynd og það er bara að vona ao Craig skili sínu.

Nú er ég farinn. Hvílíkur gæða texti annars. Eitt sinn skrifaði ég grein um textagerð Stefáns Hilmarssonar. Það kom mér á óvart þá að Nú er ég farinn var einmitt ekki eftir hann heldur Gumma. Þetta er annars nokkuð dæmigerður stíll og efnistök fyrir Stebba.

Allt er á tjá og tundri
get ekki fötin mín fundið.
Ei hissa þó þig undri.
Er svipur hjá sjónu?
Framlágur er heldur kappinn.
Floginn um hvippinn og hvappinn.
Ég verð að safna í sarpinn
og sofa hjá Jónu.

Ég bið um frið, æ gef mér grið.
Ég verð að hvílast stundarkorn.
Ó, ekki meir, ég er eins og leir.
Ég spyr: Færðu aldrei nóg?

Nú er ég farinn.
Meinilla farinn og búinn að vera.
Þverrandi þor, ekkert hægt að gera.
Nú er ég farinn!

Með hausgarminn undir hendi
ég henni tóninn minn sendi.
Veit ekki hvar ég lendi.
Ég er loðinn um nárann.
Nú finnst mér mál að linni.
Verð ekki lengur hér inni.
Ég vona bara að hún finni mig ekki í fjöru.

Ég bið um frið...

Nú er ég farinn...


Kannski get ég notað sálartexta sem dæmi þegar ég fer í stílfræðina í næstu tímum!?