4. feb. 2009

Svo merkilegt lið

Það er alveg merkilegt að menn (aðallega sjálfstæðismenn) skuli ennþá nenna að hlaupa stjórn Seðlabankans til varnar.

Pólitískar hreinsanir, einelti, hatur, heift segja þeir. Á málflutningi sjálfstæðismanna nú virðist nokkuð ljóst að það stóð aldrei til að stokka upp í Seðlabankanum. Sameina hann fjármálaeftirlitinu segja þeir, líklega með því að fella fjármálaeftirlitið inn sem deild í bankanum. En að láta stjórnina víkja og hætta þessu rugli með þrjá pólitískt skipaða bankastjóra kom greinilega ekki til greina. Alveg eins og það kom aldrei til greina að neinn innan sjálfstæðisflokksins myndi segja af sér eða yfir höfuð taka á sig einhverja ábyrgð.

Krafa mótmælenda síðustu vikur og mánuði var uppstokkun í kerfinu. Allstaðar, í ríkisstjórn, fjármálaeftirliti, seðlabanka, í bönkunum og á Alþingi. Það eina sem er óbreytt er Seðlabankinn (sem nú virðist ætla að breytast). Allir sýndu þessum kröfum skilning, nema sjálfstæðismenn. Það þykir mér bara svo merkilegt.

3. feb. 2009

Landbúnaður

Ég sá merkilegt viðtal í fréttum í gær við bændur sem framleiddu metangas úr mykju kúnna sinna. Húrra fyrir þeim.

Ein helstu rök sem eru notuð á móti einhverskonar þreifingum í átt til Evrópusambandsins eru að það myndi rústa landbúnaði hér á landi. Kannski satt. Miðað við óbreytt ástand!

Það er ekki hægt að segja að íslensku landbúnaðu standi einhverskonar traustum fótum eða hafi gert síðustu 30 árin, hafi hann gert það yfir höfuð. En ég er ekki viss um að verndartollar, niðurgreiðslur og styrkir til mjólkurframleiðslu og lambakjötsframleiðslu sé endilega það sem við eigum að fókusa sérstaklega á.

Í landbúnaði felast ótrúlega mörg tækifæri, eins og viðtalið við metanbændurna sýndi.

snöggvast detta mér í hug nokkur áhersluatriði

Aukin áhersla á ónýttar aukaafurðir í landbúnaði, s.s. eldneytisframleiðslu
Aukin áhersla á lífræna ræktun og setja íslenskar afurðir í sérflokk í þeim efnum
Aukin áhersla á heimaframleiðsu og sölu til túrista, reyna að byggja upp héraðsbundin vörumerki
Aukin áhersla á skógrækt


jájá - og hvað fleira....