Þessi dagur. Jú, sólin skein og hitinn, tja, gerði það sem hiti gerir. Hitar, líklega. Eða var það sólin sem hitaði svo úr varð hiti? Hvað gerir þá hitinn? Hann er þá bara, held ég. Recap: Jú, Sólin skein og það var hiti. Til að eyða honum ekki alveg inni lukum við Jóhanna við hjólamálun. Nú er Will Smith svartur með rauðum, hmm, ekki kannski dúllum, en svona skrauti. Og hver er Will Smith. Jú, það er fákurinn minn hjóla. Já, við þrifum líka kotið hér. Svo nú er það hreint. En Idol rannsókn heldur áfram. Líka.
Mikið eru þessa mæðgur þarna gilmor girls alveg hreint skelfilegar. Henni Jóhönnu þykir þetta samt skemmtilegt svo ég neyðist til að hlusta, fyrst að tölvan mín geymist við hliðina á sjónvarpinu. Ég gæti svo sem flutt tölvuna, en það myndi ekki breya miklu þar sem íbúðin er mestmegnis eitt herbergi. Ekki nema að ég sitji á klósettinu og skrifi. Ja, það er svo sem hægt.
2 ummæli:
Viðurkenndu það bara: Þú horfir spenntur á Gilmore-girls. Þér líður betur á eftir. Ég kom út úr skápnum fyrir löngu síðan og þó að ég geri ekki annað heilu þættina af Gilmore-girls en að bölva yfir því hvað þetta sé mikið rusl þá er ég samt alltaf jafnspenntur yfir því hvort hann þarna mister grömpí sem á dænerinn ætli ekki að fara að drullast til að reyna við Gilmore-mömmuna.
Já ég fíla beisballhúfu náungann. Ég skil ekki afhverju hún þarna Klementine, eða Lorianne eða hvað hún heitir, mamman, ef mamma mín væri svona hefði ég flutt að heiman tíu ára.
Skrifa ummæli