Win a free trip to Iceland

OK - let's try this! After an eye-opening conversation with Gommit yesterday I'm thinking about a carrier change. More about that later, let's just call this a hint!

But... It's Friday (so eloquently referred to as 'Bottle day' in Icelandic). On Fridays I play Jigsaw Puzzle and thrill my mood. It is happening. It has happened. My mood has been thrilled. I'm thrilled.

I'll keep this up for few days while watching the counter ticking. How fast will it go?

Maybe I do this: (I'm in love with a sexy Swedish girl) to boost the rating up a bit.

þessi fyrirsögn segir ekki allt

Nýtt líf? Kannski. Breyttar áherslur? Varla. Ég keypti mér öngvu síður kort í líkamsrækt. Er nú stoltur eigandi korts sem er sagt veita mér aðgang í 5 heilsuræktarstöðvar. Reyndar er ein þeirra aðeins fyrir konur og önnur á Reyðarfirði. Svo ég tala nú bara um þrjár. Þá er ein í Grafarvogi held ég og önnur í Kópavogi, svo í reynd er þetta bara ein sem ég hugsanlega nýti mér. Hún er í Frostaskjóli. Sem sagt: Í heimabyggð, eða amk á næstu slóðum við hana.

Svo nú er ég farinn að pumpa og hlaupa og standa eins og auli á miðju gólfi. Byrjaður í líkamsrækt. En ég læt ekki þar við sitja heldur tek þessu með fullri alvöru. Þess vegna hef ég ákveðið að minnka áfengisdrykkju, kaffiþamb, sjónvarpsgláp og nammi- og snakkát en auka þess í stað ávaxtaát, vatnsdrykkju og bóklestur. Árangurinn finn ég strax. Nema að það sé bara sólarljósið sem hefur þessi mannbætandi áhrif. Kannski í bland.

Svo hefur ákvörðun verið tekin: EVRÓPUFERÐ Í ÁGÚST. Hugmyndin er: ROADTRIP UM TÉKKLAND. Nú vantar bara ferðafélaga - hver er geim?

Góðar minningar

Vinn og hlusta á OK Computer með Radiohead. Seinast þegar ég hlustaði á þá plötu í heild sinni var ég að hjóla um nýjar slóðir í Amsterdam haustið 2003. Var þá búinn að kaupa mér miða á tónleika með bandinu 19. nóvember í Arnhem. Minningar minningar. Man nákvæmlega hvar ég var að hjóla með tónlistina í botni. Stórhættulegt náttúrulega í umferðinni í Amsterdam. En kom ekki að sök. Kom við í stóru stóru plötubúðinni í Utrechtstraat. Það var í fyrsta sinn sem ég fór um Utrechtstraat, en ekki það síðasta.

Mig langar til Amsterdam.

Mig langar heim...

Bensín

Um daginn var ég að hlusta á útvarpið. Ég geri það stundum. Einhver sérfræðingur, eða að minnsta kosti áhugamaður, var að tala um hvernig við gætum dregið úr bensínnotkun í kjölfar verðhækkana. Kom maðurinn með ýmsar tillögur, svo sem að keyra með jöfnum og hægum hraða, hafa bílinn vel stilltan, forðast að fylla bílinn af óþarfa drasli sem þyngir hann sem aftur veldur meiri bensínnotkun ásamt fjölda góðra ráða...

En aldrei var stungið upp á því að nota bílinn einfaldlega minna, eða ekkert. Það var bara eins og það kæmi alls ekki til greina, væri enginn kostur, ekki séns.

Sigurður Kári stingur upp á að við lækkum bensínskatt. Til að lækka verðið. Hann sagði að það væri vel hægt að gera það. Til dæmis með því það sleppa því að byggja hátæknisjúkrahús, efla samgöngur eða hækka íbúðalán. Já! Hversvegna þyrfti maður svo sem velferðarkerfi ef maður fær ódýrt bensín!?

En það er svo sem satt. Það er ekki einfalt mál að ganga. Ég ætlaði tildæmis að ganga í Háskólann um daginn, frá heimili mínu. Ég fann nýjan og fínan göngustíg sem lagður var yfir Hringbrautarskrímslið. Ég tók stefnuna á Háskólann og bjóst við að stígurinn leiddi mig á leiðarenda. Hann gerði það svo um munaði. Tuttugu mínútum síðar var ég kominn á enda, aftur á tröppurnar heima hjá mér. Stígurinn lá í hring, umhverfis allt en innan einskis. Eins og í ljóði eftir Stein Steinarr. Aldrei komst ég nálægt Háskólanum. Á Íslandi eru göngustígar ekki samgöngumáti heldur einhverskonar heilsubótaraðferð. Ætlaðir fyrir gamalmenni í göngutúr eða sem skokkleiðir utan alfaraleiðar.

Maður er því hálpartinn neyddur til að nota bílinn og þá er nú eins gott að bensínið sé ódýrt.

Lifi einkabíllinn - Lifi Ísland

Gengið

Þrátt fyrir að ég skilji gengi og þróun þess enganveginn er mér eitt ljóst. Ég hefi grætt stórlega á gengissviptingum íslensku krónunnar. Þann 1. nóvember 2005 voru lagðar nokkur hundruð evra inn á bankareikninginn minn í Hollandi. Þá var evran 72 íslenskar krónur og ég nennti ekki að vera að hafa fyrir því að millifæra peninginn. Nú tæpu hálfu ári síðar hafa evrurnar mínar í ABN-AMRO aukist um þriðjung í virði. Það er ein mesta ávöxtun sparifés í minni fjármálasögu.

Persónulega sé ég ekki hvað er svona slæmt við núverand þróun. Megi krónan lækka og lækka.

Sumardagurinn frysti

Ekki svo kaldur samt. En hann var tekinn snemma og farið í Smáralind. Ég hata smáralind. En í smáralind getur konan mín keypt föt sem eru á verði ekki í ljósárafjarælægð frá Gautaborgsku verði. Bara í órafjarlægð. Svo ég var dreginn eins og hlýðinn hundur um Lindina og sagði við og við "jú þetta er rosa fínt" eða "já og þetta líka" og "já voða fínt".

Uppgötvaði nýverið nýja Destroyer plötu - Rubies


VIRKILEGA - HÉRNA - GÓÐ!

Billy

Ekki verra að hlusta á Billy Joel - bara þrusugaman. Ha!!!

Afmælisbörn dagsins fá kveðju - sér í lagi öll þessi sem ég þekki.

Allt í steik

Átti frábæra páska þrátt fyrir: Veikindi, vatnsleysi, brennt páskalamb, hryllileg eymsl í síðu og öxl og pikkfastan bíl. Allt annað var stórkostlegt og þó eingöngu hefði náðst einn dagur fyrir snjóbrettaferð, í stað þriggja eins og ráðgert var, stóð hann fyllega fyrir sínu svo um munaði. Bestu þakkir fær P.Maack. fyrir samveruna.

Í dag get ég varla hreyft mig sökum harðsperra og bólginnar síðu en það er í besta lagi.

S.Ólafsson fær líka bestu þakkir fyrir heimsóknina um daginn. Skál.

mikið óskaplega er Tiny Dancer frábært lag!

(Sjá fyrirsögn)

tarnir

tarnir í vinnu þessa dagana. 12 tímar í gær. kannski annað eins í dag.

en svo eru það páskar - með öllu t.h.

í gær var ég að keyra - sá að bensínmælirinn var kominn langt niður - ákvað að bíða með að kaupa bensín - í millitíðinni var bensínverðið hækkað

kvaðir sem fylgja því að vera á bíl

enda fær bíllinn mestmegnis að standa óhreyfður

á einhver barnavagn?

Danska parið Christian og Louise koma til mín í heimsókn eftir nokkrar vikur ásamt dótturinni Margrethe. Þar sem ég er svo almennilegur lofaði ég að útvega þeim barnavagn fyrir Margrethe (þá níu mánaða) sem hún gæti lagt sig í og keyrt um götur bæjarins.

Ég lofaði þessu náttúrulega upp í ermina á mér enda á ég engan barnavagn. Enda væri það kannski skrítið. Þess vegna spyr ég: Á einhver hentugan barnavagn sem verður ekki í notkun í lok maí/byrjun júní og gæti því fengist að láni.

Í skiptum fyrir vikulán á t.d. veiðistöng eða gítar?

einhver?

Eitt flottasta lag í heimi ómar um mig allan. Jigsaw Puzzle!!!!!!!!!!!!!

Þannig á að byrja vinnuvikuna.

Þegar ég lagðist á koddann eitthvað í kringum fjögur aðfaranótt sunnudagsins umlaði ég ofan í hann eitthvað á þá leið að maður væri greinilega ekki 22 ára lengur. Ég fann og vissi að brátt myndu timburmenn heltaka mig, sem þeir og gerðu - EKKERT var gert í gær. Ekki neitt.

Nú eru fyrstu ómar Street Fighting Man farnir eða berja hlustirnar.

Vinna meira Hjörtur vinna meira.

Áðan var hringt í mig frá Gallup og ég spurður hversu mörgum lögum ég hefði halðið niður af Netinu. Frá því ég hóf að hlaða niður lög. Góð spurning. Ég svaraði 5000.

Ég sit hér á nýju skrifstofunni minni. Sem er nú eiginlega grappaherbergið foreldra minna. Máski ég fái mér grappa fyrst klukkan er meira en tvö. Meira en tvö? Nei hún er ekki orðin tvö. Kerfistíminn á tölvunni minni hefur lagað sig að sumartímabreytingum. Slíkt er víst óþarfi hér á landi. En ég setti í gang svona mús - tölvumús - þráðlausa. Merkileg þessi tækni. Þráðlaust net, þráðlaus mús, þráðlaust rafmang. Hvað kemur næst. Þráðlaus kerti?

Dire Straits fjalla um einhvern sem er svo langt í burtu. Þráðlaust sennilega.

SKO auglýsingin í fréttablaðinu í dag. Sá einhver hana? Ég er einn af fáum sem hef rannsakað í þaula sko í íslensku. Einkum setningarlega stöðu og mismundandi notkun kynjanna. Ég get með fullri vissu sagt að sumar setningarnar í auglýsingunni voru ótækar, hvað varðar stöðu sko í þeim. Nánar um það seinna.

Ég ætla að taka til

Draumurinn um fullkomna páska að breytast í plön um allt-í-lagi-páska. ojæja.
gott verður gert úr málunum. spurning með ferðafélagana.

stutt eða löng - sjáum til

Svarfaðardalur um páskana. Það er þá í fyrsta sinn í fjögur ár. Reyndar hef ég ekki komið í Svarfaðardal síðan í ágúst 2004. Svo það er tími til kominn.

Eftir samtal við ömmu eru gerðar miklar væntingar til snjóbrettaferða. Segir Sigríður á Tjörn flest benda til að mikill snjór verði um páskana. Ég ætla að treysta á orð ömmu minnar þar sem hún hefur nú fylgst með veðri á þessum slóðum í bráðum sextíu ár. Og þá er ég ekki bara að tala um að fylgjast með veðrinu út um gluggann heldur hreinlega að annast úrkomumælingar fyrir Veðurstofuna.

Svo útlitið er bjart - eiginlega bara hvítt.

(stutt færsla)

hinir og þessir lesa þessar færslur. enda ekki skrítið þar sem þær eru öllum opnar á veraldarvefnum.

ég er fluttur - kominn aftur í foreldrahús - foreldrarnir hins vegar flognir að heiman - foreldra hús án foreldra verður samt ekki bara hús - það verður alltaf foreldrahús - og jafnvel þó alltaf sé gott að koma í foreldrahús er annað að búa í forldrahúsum - sér í lagi níu árum eftir að maður flutti þaðan -

en þetta er fínt og þar höfum við allt til alls og á besta stað í bænum
ekki var heldur leiðinlegt að opna launaumslag og sjá sömu upphæð eftir hálfsmánaðar starf og eftir heilan mánuð í gamla starfinu

peningar: þeir eru vissulega ekki allt - en hafa sitt að segja - því miður

höfðum við það ekki gott þegar við vorum sjálfum okkur nóg - var það kapítalisminn sem eyðilagði þetta allt ?

þetta er ekki lengur stutt færsla

þetta er handa ykkur sem kvartið yfir breyttum háttum í dávefsfærslum mínum

dávefur = d.á.vef. = dagbók á vefnum